ضلع گاندربل کے ہیڈر میدان، گھٹلی باغ کے باشندوں نے ضلع انتظامیہ سمیت پی ایم جی ایس وائی کے خلاف احتجاج کیا۔ احتجاج کر رہے مرد و زن نے ضلع انتظامیہ کے خلاف نعرے بازی کی۔
گاندربل: ’نہ سڑک تعمیر ہوئی نہ زمین کا معاوضہ ملا‘
احتجاج کر رہے باشندوں کے مطابق علاقے میں رابطہ سڑک نہ ہونے کے سبب لوگوں کو دقتوں کا سامنا کرنا پڑ رہا ہے۔ انکے مطابق چند برس قبل محکمہ پی ایم جی ایس وائی نے سڑک تعمیر کرانے کی یقین دہانی کی اور لوگوں سے سڑک کی کشادگی کے لیے اراضی طلب کی۔
انہوں نے کہا کہ مقامی باشندوں نے اراضی بھی فراہم کی، تاہم انہوں نے الزام عائد کرتے ہوئے کہا کہ ’’اراضی کا معاوضہ بھی فراہم نہیں کیا گیا اور نہ ہی سڑک تعمیر کی گئی۔‘‘