گاندربل: پابندی کے باوجود کورونا ایس او پیز کی خلاف ورزی

کورونا وائرس کے پیشِ نظر پابندی کے باوجود ضلع میں مانسبل اور قمریہ پارک میں لوگوں کی اچھی خاصی تعداد دیکھنے کو مل رہی ہے۔

ضلع گاندربل میں ڈپٹی کمشنر نے کورونا کے تعلق سے ایک حکم نامہ جاری کیا تھا جس میں بتایا گیا تھا کہ عید کے موقع پر کسی بھی عیدگاہ یا مرکزی جامع مسجد میں نماز ادا نہیں کی جائے گی۔ یہ بھی کہا گیا تھا کہ ضلع گاندربل میں کوئی بھی پارک کھلا نہیں ہوگا۔ کورونا کے مدنظر یہ حکم ڈپٹی کمشنر گاندربل نے جاری کیا تھا۔

جب کہ ضلع میں اس کے برعکس مانسبل اور قمریہ پارک میں لوگوں کی اچھی خاصی تعداد دیکھنے کو مل رہی ہے۔ قمریہ پارک بالکل ڈی سی آفس گاندربل کے سامنے ہی ہے اور مانسبل پارک جو کہ مانسبل ڈویلپمنٹ اتھارٹی کے دفتر کے سامنے ہے۔ مگر ان دونوں پارکوں میں لوگوں کی اچھی خاصی تعداد دیکھنے کو مل رہی ہے اور ڈپٹی کمشنر گاندربل کے حکم نامے کو بالائے طاق رکھ دیا گیا ہے۔

واضح رہے ان دونوں پارکوں میں ہر عید کے موقع پر لوگوں کی اچھی خاصی تعداد دیکھنے کو مل رہی تھی اور یہی وجہ ہے کہ کورونا کے مدنظر ان پارکوں کو اس بار کھولنے کے لیے پابندی عائد کی گئی ہے۔ تصویروں میں صاف نظر آرہا ہے کہ حکم نامہ صرف کاغذوں میں دکھائی دیتا ہے اور زمینی سطح پر کچھ اور دیکھنے کو مل رہا ہے۔