گاندربل میں ڈمپنگ سائٹ Ganderbal Dumping site نہ ہونے کے سبب ضلع میں کوڑا کرکٹ سرینگر لیہہ شاہراہ پر بیہامہ پاور ہاؤس، ڈپٹی کمشنر اور نالہ سندھ کے قریب جمع کیا جارہا ہے Garbage Dump in Ganderbal جس کی وجہ سے عوام کو مشکلات کا سامنا کرنا پڑرہا ہے۔
کچروں کی وجہ سے عوام خاص طور پر بچوں کی صحت کو خطرہ لاحق ہے۔ عوام نے بتایا کہ 'کئی بار اعلیٰ حکام اور میونسپل کونسلMunicipal Council سے بات چیت کی لیکن ان کی گزارشات اور مسائل کا حل نہیں نکل سکا۔
لوگوں نے کہا کہ اگر وہ رات کے اوقات میں کتوں کی وجہ سے یہاں سے گزرنا مشکل ہو جاتا ہے۔
مقامی شخص نے بتایا کہ 'وہ پیشے سے فٹ پاتھ پر کپڑے فروخت کرتے ہیں اور جہاں ان کی گاڑی پارک ہوتی ہے وہاں کوڑا کرکٹ بھرا ہوا ہے۔ انہوں نے مزید بتایا کہ ہر روز یہاں پر اپنی دکان کھولتے ہیں لیکن گندگی کی وجہ سے گراہک نہیں آتے۔
عوام کے مسائل اور عملے کی کمی کے پیش نظر جب ای ٹی وی بھارت کے نمائندے نے میونسپل کونسل کے ایگزیکٹیو آفیسر نوید احمد خان سے رابطہ کیا تو انہوں نے بتایا کہ ہم یہاں پر گاندربل ٹاؤن کا سب کوڑا کرکٹ جمع کرکے پھر دوسری جگہ پر لے جاتے ہیں بہت ہی جلد اس مسئلے کو حل کیا جائے گا۔