شالہ بگ گاندربل کا ویٹ لینڈ تباہی کے دہانے پر

مقامی لوگوں نے بتایا کہ گزشتہ دو سالوں سے یہاں پر کوئی پرندہ نہیں آ رہا ہے، جس کا ذمہ دار محکمہ وائلڈ لائف ہی ہے۔

گاندربل کا مشہور علاقہ شالہ بگ جہاں پر لاکھوں کی تعداد میں بیرونی ممالک سے پرندے ویٹ لینڈ میں آتے تھے، مگر گزشتہ ایک دو سالوں سے کوئی پرندہ ادھر نظر نہیں آ رہا ہے۔

ای ٹی وی بھارت کا نمائدہ جب ہم وہاں پر پہنچا تو اس نے دیکھا کہ ویٹ لینڈ خشک سالی میں تبدیل ہو چکا ہے۔ جبکہ وہاں پر مرمت کا کام چل رہا تھا۔

واضح رہے کہ یہ ویٹ لینڈ چھتیس ہزار کنالوں پر مشتمل ہے اور یہ جموں و کشمیر کا سب سے بڑا ویٹ لینڈ ہے، یہاں لوگوں سے بات کرنے پر حیران کر دینے والے انکشافات سامنے آئے۔

لوگوں نے بتایا کہ گزشتہ دو برسوں سے یہاں پر کوئی پرندہ نہیں آ رہا ہے، جس کا ذمہ دار محکمہ وائلڈ لائف ہی ہے۔ لوگوں نے یہ بھی الزام لگایا ہے کہ جب ویٹ لینڈ میں خرابی آ چکی تھی تب سے لے کر آج تک ڈیپارمنٹ نے اس پر کوئی توجہ کیوں نہیں دی؟

لوگوں نے اعلی حکام سے اپیل کی ہے کہ اس کی طرف خاص توجہ دیں۔ جب ہم نے رینج آفیسر کے ساتھ بات کی تو انہوں نے بتایا کہ دو ہفتوں کے اندر اس کا کام مکمل ہوگا اور اس ویٹ لینڈ میں پانی آ جائے گا۔