Missing Man's Dead Body Found کنگن میں لاپتہ شخص کی لاش پاؤر کنال سے برآمد

گاندربل ضلع کے کنگن علاقے میں گزشتہ ماہ سے لاپتہ ہونے والے شخص کی لاش پاؤر کنال سے برآمد ہوئی ہے۔ متوفی کی شناخت 25 سالہ رفاقت احمد کے بطور ہوئی ہے۔

گاندربل: پولیس نے پیر کے روز وسطی کشمیر کے ضلع گاندربل کنگن کے علاقے سترونہ کے قریب بجلی کی نہر سے ایک لاپتہ شخص کی لاش برآمد کرلی۔ متوفی کی شناخت رفاقت احمد کسانہ ولد بشیر احمد ساکن کنگن کے بطور ہوئی ہے۔

پولیس ذرائع نے بتایا کہ مقامی لوگوں نے کنگن میں پاؤر کنال میں ایک لاش کو دیکھا جس کے بعد فوراً پولیس کو اطلاع دی گئی۔متعلقہ تھانہ کی ایک پولیس ٹیم نے موقع پر پہنچ کر مقامی افراد کی مدد سے بجلی کی نہر سے لاش کو نکال لیا۔ انہوں نے بتایا کہ اس شخص کی شناخت 25 سالہ رفاقت احمد کسانہ ولد بشیر احمد ہریگینون کے بطور ہوئی ہے ۔ بتادیں کہ مذکورہ شخص جولائی 5 سے لاپتہ ہوا تھا۔

ذرائع نے مزید بتایا کہ انہوں نے تھانہ کنگن کے دائرہ اختیار میں سنمبل بالا کے مقام پر واقع ایک بجلی کی نہر سے لاش برآمد کر لی ہے۔ ایس ایچ او تھانہ کنگن ترک ظہور نے بتایا کہ قانونی کارروائی انجام دینے کے بعد لاش کو آخری رسومات کے لئے ورثہ کے حوالے کر دیا گیا ہے۔ انہوں نے بتایا کہ پولیس نے اس حوالے سے مقدمہ درج کرلیا ہے اور مزید تفتیش کی گئی ہے۔