کرنٹ لگنے سے ملازم ہلاک

وسطی کشمیر کے ضلع گاندربل میں محکمہ بجلی کی مبینہ لاپروائی کے سبب ایک اور عارضی ملازم ڈیوٹی کے دوران کرنٹ لگنے سے ہلاک ہو گیا۔

لائن مین غلام قادر میر ولد محمد احسان میر (32 برس) ساکن برنبغ کنگن اپنے ہی علاقے میں بجلی کی لائن ٹھیک کر رہے تھے جس دوران کرنٹ لگنے سے وہ بُری طرح سے جھلس گئے۔ اس حادثے کے بعد انہیں علاج کے اسپتال پہنچانے کی کوشش کی گئی مگر انہیں بچایا نہیں جا سکا۔

قابل ذکر ہے کہ اس سے قبل بھی محکمہ کے کئی ملازم دوران ڈیوٹی اپنی قیمتی جان گنوا بیٹھے ہیں اور محکمے کے غفلت برتنے والے ملازموں کے خلاف کوئی بھی کارروائی نہیں کی گئی ہے۔