یاترا منسوخ ہونے کے باوجود لنگر کی اجازت

اس یاترا مارگ پر جو ملازمین اپنی ڈیوٹی انجام دے رہے ہیں ان کے لیے کھانے پینے کی سہولیات کے لیے ہریانہ کے ایک لنگر والے کو لنگر لگانے کی اجازت دی گئی ہے۔

جموں و کشمیر انتظامیہ نے چند روز قبل اعلان کیا تھا کہ کورونا کے باعث اس بار بھی کشمیر میں کسی طرح کی یاترا نہیں ہوگی۔

اس تعلق سے یاتریوں میں کافی مایوسی دیکھنے کو مل رہی ہے۔ انتظامیہ نے پوتر گپھا سے یاتریوں کے لیے سیدھا لائو ٹیلی کاسٹ کا پروگرام شروع کیا ہے، تاکہ لوگ گھر بیٹھے درشن کر سیکں۔

اس وقت یاترا مارگ پر برف صاف ہو چکی ہے اور اس مارگ پر باضابطہ طور پر سیکورٹی کے جوان گشت کرتے دکھائی دے رہے ہیں۔ اس یاترا مارگ پر جو ملازمین اپنی ڈیوٹی انجام دے رہے ہیں ان کے لیے کھانے پینے کی سہولیات کے لیے ہریانہ کے ایک لنگر والے کو لنگر لگانے کی اجازت دی گئی ہے۔

اس سلسلے میں ہریانہ کے لنگر والے نے کہا ہے کہ 'مجھے بے شک اجازت دی گئی ہے تاہم مجھ سے بولا گیا ہے کہ میری طرف سے کوئی بھی اجازت نامے کی خلاف ورزی نہیں ہو اور گائڈ لائن کی بھی خلاف ورزی نا ہو۔

انہوں نے ملک کے تمام شیو بھگتوں سے گزارش کی ہے کہ وہ گھر بیٹھے یاترا کا درشن کریں اور یاترا پر آنے کی کوشش نا کریں۔

ہریانہ کے اس لنگر والے کا کہنا ہے کہ 'اب اگر کوئی بھی یاتری بال تل پہچنے میں کامیاب ہو گیا، تو اس کے لیے میری یہی گزارش ہے کہ کھانا ہمارے پاس کھائیں، لیکن رہنے کے لیے کسی بھی طرح کی جگہ دستیاب نہیں ہے، اس لیے بہتر یہی ہے کہ گھر بیٹھے درشن کریں اور کورونا سے محفوظ رہیں۔