نئی دلہن کی ندی میں کود کر خودکشی

وسطی کشمیر کے ضلع گاندربل کے کنگن علاقے کے برنبگ گاؤں میں نئی دلہن نے ندی میں کود کر خودکشی کرلی۔

مقامی لوگوں کا کہنا ہے کہ متاثرہ ارشادہ بانو لون کی شادی علاقے کے ہی ایک شخص طارق احمد کے ساتھ ہوئی تھی۔تاہم لڑکی شادی کے چند روز بعد ہی اپنے میکے واپس چلی آئی تھی۔

علاقے کے لوگوں کا کہنا ہے کہ لڑکی کا شوہر اور اس کے اہل خانہ کے ساتھ کشیدگی مسلسل جاری تھی جس سے وہ کافی پریشان رہتی تھی اور ان سب باتوں سے پریشان ہوکر لڑکی نے خود کشی کرلی۔

عینی شاہدین کا کہنا ہے کہ لڑکی نے برنبگ میں واقع ندی میں چھلانگ لگادی جسے وہاں موجود چند نوجوانوں نے اسے بچانے کی بھی کوشش کی تاہم وہ اسے بچا نہ سکے۔

سب ڈویژن مجسٹریٹ کنگن اور متعدد افسران جائے واردات پر پہنچ کر لڑکی کی لاش کو تلاش کرنے میں لگے ہوئے ہیں۔