گاندربل میں اسلحہ و گولہ بارود برآمد
تلاشی آپریشن کے دوران جوائنٹ فورسز نے اے کے 47 رائفل کے 2 خالی میگزین، ایک دستی بم اور 30 گولیاں برآمد کیں۔
گاندربل میں اسلحہ و گولہ بارود برآمد
ضلع گاندربل میں واقع کنگن کے علاقہ نارا ناگ میں فورسز کو اطلاع ملی تھی کہ جنگلاتی علاقہ میں عسکریت پسندوں نے ہتھیار چھپائے ہیں۔ جس کے بعد فوج نے اس علاقے میں گزشتہ رات تلاشی آپریشن عمل میں لاکر ایک دستی بم اور کچھ گولیاں برآمد کی ہیں۔
فورسز کے ایک عہدیدار نے بتایا کہ 34 آسام رائفلز کے دستے نے پولیس تھانہ کنگن کی پولیس پارٹی کے ہمراہ نارا ناگ میں موجود جنگل کے کچھ حصوں میں خفیہ اطلاع پر تلاشی آپریشن شروع کیا۔
اس تلاشی آپریشن کے دوران جوائنٹ فورسز نے اے کے 47 رائفل کے 2 خالی میگزین، ایک دستی بم اور 30 گولیاں برآمد کیں۔
اس سلسلے میں پولیس نے تھانہ کنگن میں ایف آئی آر درج کرکے مزید تفتیش شروع کردی ہے۔