Water Shortage In Ganderbal ززنہ گاندربل اور ملحقہ دیہات میں پانی کی عدم دستیابی

ززنہ گاندربل اور ملحقہ علاقوں میں پینے کے صاف پانی کی عدم دستیابی کے خلاف مقامی لوگ محکمہ جل شکتی کے خلاف سخت ناراضگی کا اظہار کر رہے ہے۔ لوگوں کے مطابق علاقہ میں صاف پانی نہ ہونے کے سبب وہ طرح طرح کے مشکلات سے دوچار ہو رہے ہیں۔ Water Shortage In Ganderbal

گاندربل: ززنہ گاندربل اور ملحقہ علاقوں میں پینے کے پانی کی عدم دستیابی سے لوگوں میں محکمہ جل شکتی کے خلاف سخت ناراضگی پائی جاتی ہے ۔ مقامی لوگوں کے مطابق پانی کی عدم دستیابی کی وجہ سے وہ ٹیوب ویل اور ندی نالوں کا آلودہ پانی پینے اور کھانا پکانے کیلئے استعمالکر رہے ہے، جس کی وجہ سے انہیں بیماریوں کا خطرہ لاحق رہتا ہے۔ Water Shortage In Ganderbal Zazana Village

بتادیں کہ 20 سال قبل ززنہ علاقے میں ٹیوب ویل کی کھدائی کی گئی ہے اور اسی سے علاقہ کو پانی سپلائی کیا جاتا تھا ۔تاہم پچھلے تین برسوں سے ٹیوب ویل میں لگاتار پانی کی سطح میں مسلسل کمی واقع ہورہی اور رواں سال ٹیوب ویل سے پانی مکمل طور پر ختم ہوگیا جس کی وجہ سے ززنہ اور اس سے ملحقہ علاقوں میں پانی کی شدید قلت ہوئی ہے۔

مقامی لوگوں نے بتایا کہ علاقہ میں پانی کی قلت کے پیش نظر وہ تین کلومیٹر دور دریا جہلم سے ٹریکٹر، ہاتھ گاڑی یا نجی گاڑیوں میں پانی لاکر استعمال کررہے ہیں۔ انہوں نے کہا کہ اس سنگین مسئلہ کو حل کرنے کے لئے ززنہ میں پنچایت اور ڈسٹرکٹ ڈیولپمنٹ کونسل کی جانب سے رقومات واگزار کرکے محکمہ جل شکتی کو 23 لاکھ روپے فراہم کیے گئے ،تاکہ محکمہ علاقوں کو پانی فراہم کرنے میں ثابت ہوا ہے۔

مقامی لوگوں نے انتظامیہ سے علاقہ کے لیے پانی کی فراہمی کے لئے ٹھوس اقدام اتھانے کی اپیل کی ہے ۔علاقہ کے لوگوں نے ایل جی انتظامیہ سے اس معاملہ کو جلد حل کرنے کی اپیل کی تاکہ لوگوں کو مشکلات سے نجات مل پائے۔