گاندربل: متوفی نوجوان کے لواحقین کا انصاف کا مطالبہ

کچھ روز قبل مرحوم سالم خان اپنے چھ دوستوں کے ساتھ گھر سے سیر و تفریح کے لیے سونا مرگ کے سفر پر نکلا تھا، جس کے بعد اس کی موت کی خبر سامنے آئی۔

جموں و کشمیر کے ضلع گاندربل میں جند روز قبل ایک واقع پیش آیا تھا۔ جس میں ایک نوجوان نہر میں ڈوب کر ہلاک ہو گیا تھا۔ جس کے بعد آج اہل خانہ نے الزام عائد کیا ہے کہ نوجوان کا قتل ہوا ہے۔

کچھ روز قبل مرحوم سالم خان اپنے چھ دوستوں کے ساتھ گھر سے سیر و تفریح کے لیے سونا مرگ کے سفر پر نکلا تھا، جس کے بعد اس کی موت کی خبر سامنے آئی۔ نوجوان کے لواحقین نے اسکے دوستوں پر قتل کا الزام لگاتے ہوئے اس معاملے کی باریک بینی سے تحقیقات کا مطالبہ کیا ہے۔

محلوقین کا کہنا ہے 'شام کو سالم گھر واپس نہیں لوٹا، جس کے بعد ہم نے دوستوں کے ساتھ رابطہ کیا تو وہ طرح طرح کے بہانے بنانے لگے۔ آخر کار انہوں نے کہا کہ وہ پاور کنال میں سیلفی لیتے ہوئے ڈوب گیا ہے'۔

لواحقین کا کہنا ہے 'ہم نے پولیس میں یہ معاملہ درج کرایا ہے اور ہم پولیس کے شکر گزار ہیں کہ پولیس اس معاملے کی تہہ تک پہنچنے کی بھر پور کوشش کر رہی ہے۔ ہم امید کرتے ہیں کہ پولیس اس قتل کا جلد ہی پردہ فاش کرے گی'۔