گاندربل: سونا مرگ، زوجیلا میں برفباری

محکمۂ موسمیات کی پیشگوئی کے عین مطابق وادیٔ کشمیر کے میدانی علاقوں میں بارشیں اور پہاڑی علاقوں میں رات دیر گئے برفباری ہوئی۔

وسطی کشمیر کے ضلع گاندربل کے سونا مرگ میں رواں موسم کی پہلی برفباری ہوئی، سونا مرگ کے بالائی علاقوں - بال تل، زوجیلا، کیپٹن موڑ، زیرو پوائنٹ سمیت دیگر پہاڑی علاقوں میں رواں سال کی پہلی برفباری درج کی گئی۔

برفباری کے ساتھ ہی وادیٔ کشمیر میں درجہ حرارت میں کافی کمی واقع ہوئی ہے، لوگوں نے گرم ملبوسات کا استعمال کرنا شروع کردیا ہے۔

قابل ذکر ہے کہ اتوار کی شام مشہور سیاحتی مقام گلمرگ سمیت مغل شاہراہ پر بھی برفباری ہوئی تھی۔

ادھر محکمۂ موسمیات کے مطابق پیر کے روز بعد دوپہر موسم خوشگوار ہونے کی توقع ہے۔