گاندربل: بینک عملہ کے خلاف احتجاج، اقربا پروری کا الزام

وسطی کشمیر کے ضلع گاندربل میں جموں و کشمیر بینک شاخ بارسو کے عملہ کے خلاف احتجاج کرتے ہوئے مقامی باشندوں نے بینک عملہ کو فوری طور تبدیل کیے جانے کا مطالبہ کیا۔

جموں و کشمیر بینک شاخ بارسو کے باہر احتجاج کرتے ہوئے کئی اکائونٹ ہولڈرز نے بینک عملہ پر اقرابا پروری کا الزام عائد کیا۔

احتجاج کر رہے اکائونڈ ہولڈرز نے دعویٰ کیا کہ اثر و رسوخ رکھنے والے افراد کا کام منٹوں میں کیا جاتا ہے تاہم عام لوگوں کے ساتھ سوتیلی ماں کا سا سلوک کیا جاتا ہے۔

انہوں نے الزام عائد کرتے ہوئے کہا کہ اکائونڈ ہولڈرز کو گھنٹوں لائن میں کھڑا کیا جاتا ہے جبکہ اثر و رسوخ رکھنے والے افراد کا کام فون پر ہی کیا جاتا ہے۔

مختلف اسکیموں کے تحت فراہم کیے جا رہے قرضوں کے حوالے سے بھی احتجاج کر رہے لوگوں نے کہا کہ ’’سرکاری اسکیموں، خصوصا مختلف اقسام کے قرضوں کے لیے غیر اثر و رسوخ والے افراد کو مہینوں انتظار کروایا جاتا ہے۔‘‘

احتجاج کر رہے لوگوں نے حکام سے بینک عملہ کو فوری طور تبدیل کیے جانے کا مطالبہ کیا۔

اس ضمن میں بینک کے برانچ منیجر نے رد عمل ظاہر کرنے سے صاف انکار کر دیا۔