ضلع گاندربل کے تھانہ کھیر بھوانی انسپکٹر طارق یوسف کی سربراہی میں ایک ٹیم نے گاندربل کے نالہ سندھ سے غیر قانونی طور پر نکالی گئی بجری اور ریت سے لدے دو ٹپر گاڑی کے ڈرائیور کو گرفتار کیا ہے۔
ملزم ٹپر ڈرائیور کی شناخت توصیف احمد ڈار ولد صمد ڈار مسکن گنگرہامہ اور طارق احمد میر ولد غلام نبی میر مسکن سید پورہ ہارون، سری نگر کے طور پر ہوئی ہے،
مذکورہ ملزم ڈرائیوروں کے ذریعہ چلائے جانے والے دو ٹپر کو بھی موقع پر ہی قبضہ میں لے لیا ہے اور اس سلسلے میں تھانہ کھیر بھوانی میں ایف آئی آر درج کرکے تفتیش شروع کردی گئی ہے۔
ایس ایس پی گاندربل نے مزید کہا کہ غیر قانونی بجری اور ریت کی کھدائی میں ملوث افراد کو سخت انتباہ جاری کیا گیا ہے کہ وہ ماحول کو نقصان نہ پہنچائے، بصورت دیگر ان کے خلاف زبردست کاروائی کی جائے گی۔