Cinema Halls In Kashmir گاندربل، باںڈی پورہ اور کولگام میں امسال سینما ہال بنیں گے، منوج سنہا

وادی میں سنہ 1990 میں نامساعد حالات کی وجہ سے کئی سنیما ہالز کو یا تو بند کر دیا گیا تھا یا جلا دیا گیا تھا۔ ان سنیما ہالز کو بعد میں نیم فوجی دستوں اور آرمی کیمپوں میں تبدیل کر دیا گیا۔

سرینگر:جموں و کشمیر کے لیفٹیننٹ گورنر منوج سنہا نے کہا کہ کشمیر میں فن پروان چڑھ رہا ہے اور اس کے لیے حکومت ہر شہر اور قصبے میں سینما گھر بنانے جارہا ہے۔ انہوں نے کہا کہ گاندربل، بانڈی پورہ اور کولگام اضلاع میں اس سال ستمبر میں سنیما ہال بنیں گے۔ انہوں نے کہا کہ اس سے قبل پلوامہ اور شوپیاں اضلاع میں سنیما ہال بن گئے ، اس کے علاوہ بارہمولہ اور ہندواڑہ میں حال ہی میں سنیما ہالوں کا افتتاح بھی کیا گیا۔ بتادیں کہ سرینگر میں پہلے ہی سینما ہال چل رہے ہے۔

منوج سنہا نے کہا کہ کووڈ کے دوران فنکاون کو بہت زیادی نقصان سے دوچار ہونا پڑا۔ انہوں نے کہا کہ ملک کے دوسرے حصوں سے کشمیر آنے والے فنکاروں کو اپنے فن کا مظاہرہ کرنے اور نئے فن کو سیکھنے کے لیے آتے ہوئے دیکھ کر وہ بہت خوشی ہو رہے ہے۔منوج سنہا نے کہا کہ آرٹ کی ترقی اور فروغ کے لیے امن ضروری ہے اور امن کے بغیر کچھ نہیں ہو سکتا ہے۔

واضح رہے کہ وادی میں سنہ 1990 میں نامساعد حالات کی وجہ سے کئی سنیما ہال بند کر دئے گئے یا جلا دیئے گئے تھے۔ کافی سنیما گھر تو اب نیم فوجی دستوں اور آرمی کیمپوں میں تبدیل کر دیے گئے ہیں۔ ریگل، پلیڈیم، خیام، فردوس، شاہ سنیما، ناز، نیلم فلم، اور براڈوے-وادی کے کچھ ایسے سنیما ہالز تھے جہاں دیر رات تک وادی کے لوگ فلم دیکھنے جایا کرتے تھے۔