مسافر بس حادثے کا شکار، چار زخمی

گنڈ سے کنگن جارہی مسافر بس کے حادثے کا شکار ہونے کے نتیجہ میں چار مسافر زخمی ہوگئے۔

تفصیلات کے مطابق گنڈ سے کنگن جارہی ایک مسافر بس کے حادثے کا شکار ہونے کے نتیجہ میں چار افراد زخمی ہوگئے۔

بتایا جارہا ہے کہ سرینگر لیہہ شاہراہ پر اتوار کی صبح گنیون کے علاقے میں ٹریفک حادثے میں 4 افراد زخمی ہوگئے۔ گنڈ سے کنگن جانے والی مسافر بس جس کا نمبر JK01D 5574 ہے، گنیون کے قریب تازہ برفباری کے نتیجے میں بس سڑک سے پھسل کر لڑھک گئی۔

جس کے سبب بس میں سفر کرنے والے چار مسافر زخمی ہوگئے۔ زخمی مسافروں کو پولیس اور مقامی نوجوانوں نے علاج و معالجے کے لیے نزدیکی ہسپتال منتقل کردیا۔