کشمیر میں گزشتہ کئی روز سے ہو رہی مسلسل بارشوں کی وجہ سے متعدد علاقوں میں سیلابی صورتحال پیدا ہوگئی ہے جس وجہ سے لوگوں کو عبور مرور میں کافی دقتوں کا سامنا کرنا پڑ رہا ہے۔
وسطی کشمیر کے ضلع گاندربل کے ساتھ منسلک شیخ زو نامی گاؤں کے گلی کوچوں میں بارش کا پانی جمع ہو چکا ہے جس سے یہاں رہائش پذیر لوگوں کا گھروں سے باہر نکلنا دشوار ہو رہا ہے۔
کشمیر: مسلسل بارشوں کے سبب کئی علاقے زیر آب اس ضمن میں مقامی باشندوں نے متعلقہ محکمہ جات کو صورتحال سے باخبر کیا تاہم ان کے مطابق ابھی تک پانی کی نکاسی کے لئے علاقے میں کسی بھی ٹیم کو نہیں بھیجا گیا۔
انہوں نے ضلع انتظامیہ سے علاقے میں جمع بارش کے پانی کی نکاسی کے لیے جلد اور ٹھوس اقدامات اٹھائے جانے کی اپیل کی ہے۔
واضح رہے کہ محکمہ موسمیات کی پیش گوئی کے عین مطابق اتوار سے وادی کے میدانی علاقوں میں بارشیں اور بالائی علاقوں میں برفباری کا سلسلہ جاری ہے۔
