Inspection of Medical Stores In Ganderbal ڈرگ افسران نے میڈیکل اسٹورز کا معائنہ کیا

گاندربل میں مختلف محکموں کے افسران کی ایک ٹیم نے متعدد ادویہ دکانوں کا معائنہ کیا۔ Inspection Of Medical Stores In Ganderbal

گاندربل:جموں و کشمیر کے ضلع گاندربل میں نشہ مکت بھارت ابھیان کے تحت گاندربل کے ڈپٹی کمشنر کی جانب سے دی گئی ہدایات کے مطابق، اسسٹنٹ ڈرگس کنٹرولر گاندربل، اسسٹنٹ کنٹرولر لیگل میٹرولوجی، فوڈ سیفٹی کی سربراہی میں افسران کی ایک ٹیم نے ضلع ہسپتال گاندربل کے باہر واقع دوائی کی دکانوں کا معائنہ کیا۔ دوائیوں اور انسولین سرینج کا فزیکل آڈٹ کیا گیا۔

مجموعی طور پر دس دکانوں کا معائنہ کیا گیا اور لائسنس کی شرائط پر عمل نہ کرنے کی صورت میں ایک دکان کو موقع پر بند کر دیا گیا۔ اسسٹنٹ ڈرگس کنٹرولر گاندربل کی جانب سے دوائی کی دکانیں چلانے والوں کو کمپیوٹرائزڈ بلنگ شروع کرنے اور جہاں ضرورت ہو وہاں سی سی ٹی وی کیمروں کی تنصیب کی ہدایات بھی دی ۔ساتھ ہی ان کی دکانوں کے باہر منشیات کے استعمال کے نتائج کو ظاہر کرنے والے بڑے بینرز آویزاں کیے گئے ہیں۔ اسسٹنٹ کنٹرولر لیگل میٹرولوجی نے ہر صارف کو یومیہ کیش میمو جاری کرنے پر بھی زور دیا۔