گاندربل: ٹراما اسپتال کنگن میں مریضوں کو مشکلات کا سامنا، ڈاکٹرز 'ڈیوٹی ہاورز' میں غائب

مریضوں کا کہنا ہے کہ رمضان شروع ہوتے ہی ڈاکٹر صاحبان نے نماز کا بہانہ بنا کر اسپتال سے مسجد اور مسجد سے گھر کا رخ شروع کر لیا ہے اور مریضوں کو خدا کے رحم و کرم پر چھوڑ دیا ہے۔

ضلع گاندربل کے واحد ٹراما اسپتال میں اکثر لوگوں کی جانب سے یہ شکایات موصول ہوتی ہیں کہ ڈاکٹرز کی لاپروائی کی وجہ سے انہیں بہت مشکلات کا سامنا کرنا پڑتا ہے۔

آج بھی ڈیوٹی ہاورز کے دوران ڈاکٹرز ہسپتال میں موجود نہیں تھے۔ اس دوران مریضوں نے بتایا 'کچھ لوگوں کو ایکسرے کرانا تھا، کچھ مریض ایسے بھی تھے جن کے بازو یا ٹانگ میں فریکچر تھے، جنہیں ہڈیوں اور جوڑوں کے ڈاکٹر کی ضرورت تھی، لیکن ڈاکٹرز نماز کے بہانے سے ساڑھے تین بجے تک واپس نہیں لوٹے۔

مریضوں کا کہنا ہے 'رمضان شروع ہوتے ہی ڈاکٹر صاحبان نے نماز کا بہانہ بنا کر اسپتال سے مسجد اور مسجد سے گھر جانا شروع کر لیا ہے اور مریضوں کو خدا کے رحم و کرم پر چھوڑ دیا ہے'۔