Director Health Kashmir visits Ganderbal ڈائریکٹر ہیلتھ سروسز کشمیر کا دورہ گاندربل

ڈائریکٹر ہیلتھ سروس کشمیر ڈاکٹر مشتاق احمد راتھر نے آج گاندربل ضلع ہسپتال کا دورہ کیا ۔ دورے کے دوران موصوف نے مریضوں کو دی جانے والی مختلف سہولیات کا از خود جائزہ لیا۔ Director Health Kashmir visits Ganderbal

گاندربل: ڈائریکٹر ہیلتھ سروسز کشمیر ڈاکٹر مشتاق احمد راتھر نے جمعہ کے روز ضلع ہسپتال گاندربل کا دورہ کیا۔ دورے کے دوران موصوف کے ہمراہ چیف میڈیکل آفیسر گاندربل، میڈیکل سپرنٹنڈنٹ ضلع ہسپتال گاندربل اور محکمہ صحت کے دیگر افسران موجود تھے۔ Director Health Kashmir visits Ganderbal

اس موقع پر ڈائریکٹر موصوف نے ہسپتال کے مختلف شعبہ جات اور واڈس کا معائنہ کیا اور ڈیوٹی پر مامور عملے کے ساتھ ساتھ متعدد مریضوں سے بھی بات چیت کی۔ انہوں نے ہسپتال میں زیر علاج متعدد مریضوں سے بات چیت کے دوران فراہم کی جانے والی طبی سہولیات کے بارے میں دریافت کیا۔Dr Mushtaq Ahmad rather visits Ganderbal Hospita

انہوں نے ہسپتال کے ہیٹنگ (حرارتی) نظام کا بھی جائزہ لیا۔انہوں نے ہسپتال میں حفظان صحت کے حالات کو برقرار رکھنے کے ساتھ ساتھ ڈاکٹروں کی چوبیس گھنٹے موجودگی کو یقینی بنانے پر زور دیا تاکہ مریضوں کو بغیر کسی رکاوٹ کے طبی سہولیات کی فراہمی کو یقینی بنایا جا سکے۔Health Facilities To Patients In Govt Hospitals

ڈائریکٹر ہیلتھ سروسز کشمیر ڈاکٹر مشتاق احمد نے بتایا کہ انہوں نے ہسپتال میں موجود مریضوں سے بات کی اور وہ ہر ایک وارڈ میں موجود ہیٹنگ سسٹم سے بہت خوش ہوئے۔Heating System in Ganderbal hospital

انہوں نے کہا کہ ہر ایک وارڈ میں مریضوں کے لئے گرمی فراہم کرنے کے لیے چار قسم کے مخلتف آلات لگے ہیں جن میں اے سی ،گیس ہیٹر ،روم ہیٹر یا دوسرے قسم کے آلات شامل ہیں، تاکہ مریضوں کو مشکلات سے دوچار نہ ہونا پڑے۔

ڈائریکٹر موصوف نے کہا کہ سردیوں کو مدنظر رکھتے ہوئے محکمے نے وادی کشمیر کے تمام ہسپتالوں میں گرمی کے انتظامات مکمل کر لیے ہیں اور اس سلسلے میں کسی بھی ہسپتال سے کوئی شکایت موصول نہیں ہوئی ہے۔