گاندربل: محکمہ اطلاعات کی جانب سے کوڈ-19 سے بچاؤ کےلیے بیداری پروگرام

کلچر پروگرام بنیادی طور پران مقامات پ منعقد کئے گئے جہاں لوگوں کا ہجوم تھا۔ یہ مقامات بہیمانہ، قمریہ پارک اوربس اسٹینڈ توحید چوک تھے جہاں ہر وقت لوگوں کی بھیڑ موجود رہتی ہے۔

محکمہ اطلاعات گاندربل نے شاہکار کلچر سوسائٹی کے اشتراک سےگاندربل ضلع کے مختلف مقامات پر لوگوں میں کوڈ-19 سے بچنے کیلئے بیداری مہم کے تحت سڑک پر کلچر پروگرام کا انعقاد کیا تاکہ کوڈ-19 سے بچنے کیلئے عام لوگوں میں شعور اجاگر کریں۔

کلچر پروگرام بنیادی طور پر ان مقامات پر منعقد کئے گئے جہاں لوگوں کا ہجوم تھا۔ یہ مقامات بہیمانہ، قمریہ پارک اور بس اسٹینڈ توحید چوک تھے جہاں ہر وقت لوگوں کی بھیڑ موجود رہتی ہے۔اس موقع پر شاہکار کلچر سوسائٹی کے فنکاروں نے اپنے فن کے ذریعے لوگوں میں شعور بیدار کرنے کے لئے ڈرامہ پیش کئے تاکہ شرکاء کوویڈ 19 کے حوالے سے ایس او پیز پر عمل کرتے رہیں۔ان پروگراموں میں تیسری کوڈ-19 کی لہر سے بچنے کے لیے فنکاروں نے کوڈ-19 ویکسینیشن کے بارے میں شکوک و شبہات کو بھی دور کیا۔

اس موقع پر ڈی آئی سی گاندربل نے لوگوں میں چہرے پر لگانے کے لئے مفت ماسک تقسیم کرتے ہوئے شرکاء پر زور دیا کہ وہ سی اے بی کی پیروی کریں اور ویکسینیشن کروائیں۔
مقامی لوگوں نے ڈی آئی سی گاندربل کو سراہا۔اور ضلع کے دیگر حصوں میں بھی ایسے آگاہی پروگرام منعقد کرنے پر زور دیا۔