گاندربل میں انہدامی کاروائی، متعدد دکانیں مسمار

الطاف احمد نے کہا کہ 30 برس پرانے تجاوزات کو منہدم کرنا کافی مشکل تھا کیونکہ مقامی لوگ سیاسی اور دیگر مشکلات کھڑی کر رہے تھے۔

میونسپل کونسل گاندربل نے پیر کی روز انہدامی کاروائی کرتے ہوئے وسطی کشمیر کے ضلع گاندربل میں کئی دکانیں گرا دی۔

میونسپل کونسل گاندربل کے چیئرمین ایڈوکیٹ الطاف احمد نے ای ٹی وی بھارت کو بتایا کہ سردیوں کے ایام میں اس جگہ ٹریفک جام دیکھنے کو ملتا ہے جبکہ امرناتھ یاترا کے دوران بھی کافی زیادہ ٹریفک جام رہتا ہے جس کی وجہ سے لوگوں کو پریشانی کا سامنا کرنا پڑتا ہے۔

اُنہوں نے کہا کہ 30 برس پرانے تجاوزات کو منہدم کرنا کافی مشکل تھا کیونکہ مقامی لوگ سیاسی اور دیگر مشکلات کھڑی کر رہے تھے۔

انہوں نے کہا کہ ایک ہفتے قبل ہی ان دکانداروں کو نوٹس جاری کیا گیا تھا اور آج ان دکانوں کو ضلع انتظامیہ، پولیس اور میونسپل کونسل کے اہلکاروں نے گرا دیا۔

انہوں نے کہا کہ سبھی دکانداروں کو پاس میں ہی میونسپل کونسل کے دوکانوں میں بحال کیا گیا ہے۔

انہوں نے کہا کہ وہ ضلع میں ایسے تجاوزات جن سے ہائی وے پر ٹریفک جام ہوتا ہے کو مسمار کریں گے۔