گاندربل: وسطی کشمیر کے گاندربل ضلع کے کنگن علاقے کے ریزن علاقہ میں 118 بٹالین سی آر پی ایف کی جانب سے ایک مفت طبی کیمپ کا انعقاد کیا گیا۔اس میڈیکل کیمپ میں قریبی دیہاتوں کے لوگوں نے بڑھ چڑھ کر حصہ لیا اور مفت میں طبی مشورہ حاصل کیا۔اس کیمپ میں سی آر پی ایف نے لوگوں میں مفت ادویات بھی تقسیم کیں۔ کیمپ میں میڈیکل آفیسر سی آر پی ایف اور سرکاری ہسپتال کے ڈاکٹروں نے مریضوں کا معائنہ کیا اور انہیں ماہرانہ مشورہ دیا۔ مقامی لوگوں نے سی آر پی ایف کی جانب سے علاقہ میں مفت طبی کیمپ منعقد کرنے پر شکریا ادا کیا۔
سی آر پی ایف کے افسران نے کہا کہ وہ علاقے میں لوگوں کے ساتھ دوستانہ ماحول رکھنے کے لیے سیوک ایکشن پروگرام کا انعقاد کر رہے ہے۔ انہوں نے کہا کہ ان پروگرام کا لوگوں کا ردعمل اچھا آرہا ہے جس کی وجہ سے وہ دیہی علاقوں میں مزید اس طرح کے پروگرامز منعقد کر رہے ہے۔مقامی لوگوں نے علاقہ میں سی آر پی ایف کی جانب سے مفت طبی کیمپ منعقد کرانے پر شکریہ ادا کیا۔ انہوں نے کہا کہ علاقے میں بیتر طبی سہولیات نہ ہونے کے سبب آس پاس علاقہ کے لوگوں کو دوسرے ہسپتال پہنچنا بیت مشکل مشکل ہوتا ہے۔