گاندربل: سی آر پی ایف نے غیر مقامی باشندوں کو راشن فراہم کیا

سی آر پی ایف کی 115بٹالین نے وسطی کشمیر کے ضلع گاندربل میں لاک ڈائون کے دوران کسمپرسی کی زندگی گزار رہے غیر مقامی باشندوں کو راشن کٹس فراہم کیے۔

عالمی وبا کورونا وائرس کے پھیلائو کو روکنے کے لئے عائد لاک ڈائون کے سبب جہاں عام زندگی مفلوج ہو کر رہ گئی وہیں غیر مقامی باشندوں کو اس دوران مالی مسائل سمیت کئی مشکلات سے دوچار ہونا پڑ رہا ہے۔

وسطی کشمیر کے ضلع گاندربل میں سنٹرل ریزرو پولیس فورس (سی آر پی ایف) کی 115بٹالین نے غیر مقامی باشندوں (Migrant Workers) کو راشن کٹس فراہم کئے۔

سنٹرل ریزرو پولیس فورس کے افسران کا کہنا تھا کہ غریب اور مفلس افراد خصوصا غیر مقامی مزدوروں کو درپیش مسائل کے پیش نظر انہوں نے راشن کٹس تقسیم کیے۔

انہوں نے تفصیلات فراہم کرتے ہوئے کہا کہ راشن میں چاول، آٹا، دال، چینی، چاے کی پتی سمیت مختلف مصالحہ جات تقسیم کیے گئے۔ انہوں کے کہا کہ اس سے قبل سی آر پی ایف کی جانب سے مفت طبی کیمپس کا بھی انعقاد کیا گیا ہے۔

راشن حاصل کرنے والے غیر مقامی مزدوروں نے سی آر پی ایف کی کاوشوں کی سراہنا کرتے ہوئے مستقبل میں بھی غریب عوام کی بہبود کے لیے اس طرح کے اقدامات کیے جانے کی خواہش ظاہر کی۔