گاندربل: قمریہ پارک میں موجود بچوں کے کھیلنے کے جھولے خطرے سے کم نہیں

جموں و کشمیر کے ضلع گاندربل کے برلب نالہ سندھ اگرچہ حکام نے ایک خوبصورت پارک تعمیر کرکے اسے عوام کے نام وقف کیا تھا اور اس پارک کی دیکھ ریکھ محکمہ فلور کلچر کشمیر کے ذمہ سونپی گئی تھی، جس کے دوران اس پارک کے ایک طرف بچوں کے کھیلنے کے لئے کچھ جھولے بھی نصف کردیے گئے تھے۔ تاہم اگرچہ پارک کی خوبصورتی دن بدن بڈھتی جارہی ہے، لیکن جھولوں کی حالت اس قدر خستہ حال ہے کہ کبھی بھی بڑا حادثہ پیش آسکتا ہے۔

اطلاع کے مطابق اس پارک کا قیام چند سال قبل عمل میں لایا گیا تھا اور اس کو مزید خوبصورت بنانے کے لیے اس پر کافی پیسہ بھی خرچ کیا گیا تھا، جب کہ حقیقی معنوں میں یہ پارک کافی خوبصورت ہے اور اس پارک میں کچھ لمحات گزارنے کے لیے دور دراز علاقوں سے لوگ آکر اس سے لطف اندوز ہوتے ہیں۔

تاہم اس پارک میں موجود جو جھولے متعلقہ محکمہ نے چند سال پہلے نصب کیے تھے، ان کی حالت بد سے بدتر ہوتی جارہی ہے، جب کہ اس پارک میں ہر روز سینکڑوں کی تعداد میں بچے جھولہ جھولنے کی خاطر آرہے ہیں، لیکن ان جھولوں کی حالت کافی حد تک خستہ حال ہوچکی ہے اور جس کی وجہ سے کبھی بھی اس پارک میں کوئی بڑا حادثہ پیش آسکتا ہے۔

مقامی لوگوں نے کہا کہ اگرچہ اس کی دیکھ ریکھ محکمہ کی ذمہ داری ہے۔ لیکن اس سے پہلے ہمیں بھی اپنی ذمہ داری کا ثبوت دے کر ان جھولوں کی قدر کرنی چاہیے، کیونکہ یہ عوام کی پراپرٹی ہے اور عوام کا حق بنتا ہے کہ اس پارک اور اس میں موجود جھولوں کی دیکھ ریکھ کی جائے۔

ساتھ ہی مقامی باشندوں نے متعلقہ محکمہ سے گزارش کی ہے کہ ان جھولوں کی فوری طور پر مرمت کی جائے ورنہ وہ دن دور نہیں جب اس پارک میں موجود جھولوں کی وجہ سے کوئی بڑا حادثہ پیش آسکتا ہے۔