اسکول آف لیگل اسٹڈیز (ایس ایل ایس)، سنٹرل یونیورسٹی آف کشمیر اور دامودرم سنجیویا نیشنل یونیورسٹی وشاکھا پٹنم، نے ہندوستان میں قانونی تحقیق کو فروغ دینے کے لیے مل کر کام کرنے پر اتفاق کیا۔
اس حوالے سے باضابطہ ایک مفاہمت نامے پر دستخط کئے گئے، جو طلباء اور استاتذہ کو قانونی تحقیق میں مزید پیش رفت کے مواقع فراہم کرے گا اور مشترکہ تعلیمی تعامل کے مواقع بھی پیدا کرے گا۔
سنٹرل یونیورسٹی کے وائس چانسلر پروفیسر معراج الدین میر نے وشاکھا پٹنم کے وی سی سے گفتگو کرتے ہوئے تعلیمی فضیلت کو حاصل کرنے کے لئے اس طرح کے معاہدوں پر زور دیا اور کہا کہ ’’قومی پالیسی باہمی اشتراک و تعاون کے ساتھ تعلیم اور تحقیق وقت کی اہم ضرورت ہے۔‘‘