ملک میں 100 کروڑ کا ویکسینیشن مکمل ہونے پر گاندربل میں جشن

سی ایم او گاندربل نے محکمۂ صحت، ریوینیو، پولیس، محکمۂ تعلیم، آنگن واڑی ورکرز کی کوششوں کی سراہنا کرتے ہوئے کہا کہ ’’ان ہی افراد کی محنت کے سبب ضلع بھر میں 18 برس سے زائد عمر کی صد فیصد آبادی کو کورونا مخالف ویکسین کی پہلی خوراک دی گئی۔‘‘

ضلع انتظامیہ گاندربل نے ہندوستان بھر میں 100 کروڑ افراد اور ضلع بھر میں 18 سے زائد عمر کی صد فیصد آبادی کو کورونا مخالف ویکسین کی پہلی خوراک دینے کا سنگ میل مکمل کرنے کا جشن منایا۔ سنگ میل کے حصول کی مناسبت سے ضلع کے مختلف مقامات پر تقاریب انجام دی گئیں جن میں جیسے ضلع ہسپتال، این ٹی پی ایچ سی شامل ہیں۔

منتظمین کے مطابق ’’حکومت ہند کی خواہش تھی کہ اس دن کو ملک بھر میں کووڈ 19 وبائی مرض کے خلاف جنگ میں ایک سنگ میل عبور کرنے کے طور پر منایا جائے۔‘‘

سی ایم او گاندربل نے اس موقع پر خطاب کرتے ہوئے محکمۂ صحت، ریوینیو، پولیس، محکمۂ تعلیم، آنگن واڑی ورکرز کی کوششوں کی سراہنا کرتے ہوئے کہا کہ ’’اس سنگ میل کو عبور کرنے میں کورونا واریئرس کا کلیدی کردار رہا ہے۔‘‘

انہوں نے کہا کہ محکمۂ صحت سمیت مختلف محکمہ جات کے ورکرز کی دن رات اور انتھک محنتوں کی بدولت یہ ہدف مکمل کرلیا گیا۔