گاندربل: چھت سے گر ترکھان کی موت

ضلع گاندربل میں اتوار کے روز کنگن کے علاقے میں رہائشی مکان کی چھت سے گرنے کے بعد ایک ترکھان کی موت ہوگئی۔

ایک سرکاری عہدیدار نے بتایا کہ ترکھان کی شناخت غلام حسن کھٹانہ عمر 53 سال ساکنہ ہارون سرینگر کے بطور ہوئی ہے۔ مزکورہ ترکھان ہاری گنہ ون کے علاقے میں زیر تعمیر مکان کی چھت بنانے کا کام کر رہا تھا۔ وہ اپنا توازن برقرار نہ رکھ سکا جس کی وجہ سے وہ چھت سے نیچے گر گیا۔

انہوں نے بتایا کہ زیر تعمیر مکان ہری گنہ ون کے رہنے والے اشفاق احمد چیچی ولد فاروق احمد چیچی کا ہے۔

حادثہ کے فورا بعد ترکھان کو ایس ڈی ایچ کنگن منتقل کر دیا گیا لیکن ڈاکٹروں نے انہیں مردہ قرار دے دیا۔

لاش کو ایس ڈی ایچ کنگن میں رکھا گیا ہے۔ جبکہ قانونی لوازمات پورے کرنے کے بعد لاش کو لواحقین کے حوالے کردیا گیا ہے۔ پولیس نے معاملے کی نسبت کیس درج کیا ہے۔