Anganwadi Workers Protest: آنگن واڑی ورکرز کا گاندربل میں احتجاج

ضلع گاندربل میں آنگن واڑی ورکرز، ہیلپرز نے اجرتوں کی واگزاری میں تاخیر پر حکام کے خلاف احتجاج Anganwadi Workers Protest in ganderbal کرتے ہوئے نعرہ بازی کی۔

وسطی کشمیر کے ضلع گاندربل میں آنگن واڑی ورکرز، ہلپیرز نے احتجاج کیا۔ Anganwadi Workers Protest in ganderbal۔ احتجاج کر رہی آنگن واڑی ہیلپرز نے انتظامیہ کو سخت تنقید کا نشانہ بناتے ہوئے دعویٰ کیا کہ گزشتہ قریب 9 ماہ سے ان کی اجرتیں واگزار نہیں کی جا رہی ہیں، جس کے سبب انہیں سخت مشکلات کا سامنا کرنا پڑ رہا ہے۔ انہوں نے اجرتوں کی واگزاری میں تاخیر پر حکام کے خلاف نعرہ بازی کی۔

آنگن واڑی ورکرس و ہیلپرس ایسوسی ایشن کی چیئرپرسن نے ای ٹی وی بھارت کے ساتھ بات کرتے ہوئے کہا کہ دیگر ریاستوں اور مرکزی زیر انتظام خطوں کی طرح جموں و کشمیر اور لداح میں بھی آنگن واڑی ورکرز، ہیلپرز مرکزی و ریاستی اسکیموں کو عملی جامہ پہنانے میں کلیدی رول ادا کر رہی ہیں۔ Anganwadi Workers Protest احتجاجیوں نے مزید کہا کہ دیگر علاقوں میں آنگن واڑی ورکرز کے مشاہرے میں اضافہ کیا گیا تاہم جموں و کشمیر میں کام کر رہی آنگن واڑی ورکرز کے مشاہرے میں اضافے کے بجائے گزشتہ نو ماہ سے اجرتیں ہی واگزار نہیں کی جا رہی ہیں۔

انہوں نے مزید کہا کہ آنگن واڑی ورکرز رات دن کام کر رہی ہیں تاہم اسکے باوجود کئی ماہ سے تنخواہوں سے محروم ہیں جس کے نتیجے میں وہ اور انکا اہل و عیال نان شبینہ کے لئے بھی محتاج ہو چکے ہیں۔ Anganwadi Protestاحتجاجی مظاہرین نے مزید کہا کہ رکی پڑی تنخواہوں کی واگزاری اور مشاہرے میں اضافہ کے لیے انہوں نے کئی بار اعلیٰ حکام سے بھی بات کی تاہم انکے مطابق، حکام کی جانب سے صرف یقین دہانیاں کی گئیں جبکہ زمینی سطح پر کبھی بھی ٹھوس اقدامات نہیں اٹھائے گئے۔

مظاہرین نے رکی پڑی اجرتوں کو واگزار کرنے، منیمم ویجز ایکٹ لاگو کرنے کے علاوہ انہیں مستقل ملازمت فراہم کرنے کا بھی مطالبہ کیا۔ انہوں نے کہا کہ انکے ساتھ سراسر نا انصافی کی جا رہی ہے اور ان کے پورے کنبے کو تکالیف کا سامنا کرنا پڑ رہا ہے۔