Block Diwas in Ganderbal: گاندربل میں بلاک دیوس منعقد

بلاک دیوس کے دوران اے ڈی سی گاندربل نے پی آر آئی ممبران کی جانب سے کی گئی بعض شکایات کا موقع پر ہی ازالہ کرنے کے احکامات صادر کیے۔ Block Diwas in Ganderbalجبکہ افسران سے عوامی شکایات کو ترجیحی بنیادوں پر حل کرنے پر بھی زور دیا۔

وسطی کشمیر کے ضلع گاندربل میں عوامی شکایات کا ازالہ کرنے کی غرض سے ہفتہ وار بلاک دیوس منی سیکریٹریٹ کے کانفرنس ہال میں منعقد ہوا۔ Block Diwas in Ganderbalایڈیشنل ڈسٹرکٹ ڈیولپمنٹ کمشنر (ADDC) گاندربل، خورشید احمد شاہ نے بلاک دیوس کی صدارت کی۔ پروگرام میں بلاک صفا پورہ کے پی آر آئی ممبران نے بھی شرکت کی۔

بلاک دیوس کی کارروائی کے دوران پی آر آئی ممبران نے آبپاشی کی نہروں کو صاف کرنے، پانی اور بجلی کی معقول فراہمی، بلاک آفس عمارت کی تزئین و آرائش، سٹون کوائری ورکرز کی بازآبادکاری، سڑکوں اور کھیل کے میدانوں کی تجدید و مرمت کے علاوہ باغبانی کے حوالے سے منعقد کیے جا رہے آگاہی کیمپوں سے متعلق کئی شکایات کی گئیں۔

بلاک دیوس کے دوران اے ڈی ڈی سی نے پی آر آئی ممبران کی جانب سے کی گئی بعض شکایات کا موقع پر ہی ازالہ کرنے کے احکامات صادر کیے۔ انہوں نے مختلف محکمہ جات کے افسران، جو بلاک دیوس کے دوران موجود تھے، سے عوامی شکایات کو ترجیحی بنیادوں پر حل کرنے کی تلقین کی۔ انہوں نے کہا کہ بلاک دیوس کے انعقاد کا مقصد ہی عوام کو راحت پہنچانا ہے۔