Street Vendors Continue To Occupy Roads گاندربل میں چھاپڑی فروشوں کے خلاف کاروائی

گاندربل کے اکثر بازاروں میں پٹری پر یا تو دوکاندار یا پھر چھاپڑی فروش اپنا سامان فروخت کرتے ہیں جس سے لوگوں کو پریشانیوں کا سامنا کرنا پڑتا ہے۔ ایس ایچ او گاندربل منظور احمد نےاس غیر قانونی کام پر روک لگا کر پیدل چلنے والے لوگوں کو راحت دلانے میں اہم رول ادا کیا ہے۔

مرکز کے زیر انتظام خطہ جمو ں و کشمیر کے ضلع گاندربل میں میونسپل کمیٹی اور پولیس کی طرف سے پٹری پر بیٹھنے والے چھاپڑی فروشوں کے خلاف زبردست کاروائی کی گئی ہے۔ پولیس کے سینئر افسران کی ہدایت پر آج ڈپٹی سپرنٹنڈنٹ آف پولیس گاندربل غلام حسن کی زیر نگرانی اسٹیشن ہاوس آفیسر گاندربل منظور احمد نے چھاپڑی فروشوں کے خلاف زبردست مہم چلائی ہے۔ بیہامہ چوک سے لے کر دودرہامہ بازار تک ایسے چھاپڑی فروشوں یا دکانداروں نے جنہوں نے اپنا سامان سڑک یا پٹری پر رکھ کر فرخت کرتے تھے اور سے شہریوں کو آمد و رفت میں دشواریوں کا سامنا کرنا پڑتا تھا ایسے دکانداروں خلاف سخت کارروائی عمل میں لاکر انہیں آئندہ کےلئے وارننگ بھی دی گئی ہے ۔

اس مہم میں پولیس کے ساتھ ساتھ ٹریفک پولیس کے اہلکاروں نے بھی اہم رول اداکیا ہے۔اسی مہم کے دوران کئی ایسے نوجوان جو کہ بغیر ہلیمنٹ اور بغیر لائسنس کے دوپہیہ گاڈیاں چلا رہے تھے، انہیں روک کر کئی اسکوٹی اور موٹر سائیکل ضبط کرکے انکے خلاف قانونی کارروائی بھی عمل میں لائی گئی ہے۔ جبکہ کئی ایسی گاڑیاں جو غلط جگہ پر پارک کی گئی تھی ان کے ما لکان کے خلاف بھی چالان کیا گیا ہے۔

اس دوران بازار ایسوسی ایشن گاندربل کے صدر غلام حسن نے میڈیا سے بات کرتے ہوئے کہا ہے کہ ہم پولیس کے اس قدم کی ستائش کرتے ہیں اور دکانداروں سے بھی اپیل کرتے ہیں کہ وہ آئندہ سے پری پر اپنا مال رکھ دوسروں کےلئے مشکلات پیدا نہ کریں۔تاہم انہوں نے ضلع انتظامیہ سے اپیل کی ہے کہ جن چھاپڑی فروشوں کے خلاف رمضان کے اس مقدس مہینے میں کاروائی عمل میں لائی گئی ہے، انہیں کسی دوسرے مقام پر زمین الاٹ کی جائے۔

اس سلسلے میونسپل کونسل گاندربل کے چئیرمین ایڈووکیٹ الطاف احمد نے کہا ہے کہ اس طرح کی کارروائی آگے بھی جاری رہے گی، جب تک نہ مکمل طور پر یہ چھاپڑی فروش یا دوکاندار اس سے پرہیز کریں گے۔ انہوں نے کہا ہے کہ آنے والے دنوں میں گاندربل کے سبھی بازاروں میں مارکیٹ چیکنگ کو تیز کر دیا جائے گا، تاکہ یہ جائزہ لیا جائے کہ لوگوں کو صحیح قیمت پر اور صحیح کوالٹی کا سامان مل رہا ہے یا اسکے برعکس ہو رہا ہے۔