سرپنچ کانفرنس کے بعد سرپنچوں کا احتجاج

ریاست جموں کشمیر کے پہاڑی ضلع ڈوڈہ میں ایک سرپنچ کانفرنس کاانعقاد کیا گیا تاہم اس کانفرنس میں بولنے کا موقع نہ دئے جانے کے بعد بھلیسہ سرپنچوں نے احتجاج کیا۔

نمائندے کے مطابق ڈوڈہ کے ٹائون حال میں سرپنچوں کی ایک کانفرنس منعقد کی گئی تاہم اس کانفرنس کے بعد بھلیسہ سے آئے ہوئے سرپنچوں نے احتجاج کیا۔

احتجاجی سرپنچوں اور پنچوں کا کہنا تھا کہ انکو ڈوڈہ میں اپنے علاقائی مسائل کے بارے میں جانکاری فراہم کرنے کی غرض سے بلایا گیا تھا لیکن کانفرنس کے دوران انہیں بولنے کا موقع فراہم نہیں کیا گیا۔

بھلیسہ کے سرپنچوں نے کانفرنس کے منتظمین کے خلاف احتجاج کرتے ہوئے نعرہ بازی بھی کی اور کانفرنس سے علیحدگی اختیار کی۔

ان کا کہنا تھا کہ اس طرح کے ’’عامرانہ‘‘ رویے کے خلاف وہ صدائے احتجاج بلند کریں گے۔