ضلع ڈوڈہ میں منگل کو آتشزدگی Fire Incident in Doda کی ایک ہولناک واردات کے دوران ایک رہائشی مکان خاکستر ہو گیا۔ منگل کی دوپہر قصبہ ڈوڈہ میں تنویر احمد نامی ایک شخص کے تین منزلہ رہائشی مکان سے اچانک آگ کے شعلے بلند ہوئے، جس نے آناً فاناً پوری عمارت کو اپنی زد میں لے لیا، جب کہ آگ نے ایک اور مکان کو بھی جزوی نقصان پہنچایا۔
ڈوڈہ میں رہائشی مکان خاکستر مقامی باشندوں نے فوری طور فائر اینڈ ایمرجنسی عملہ کو اطلاع دی جنہوں نے موقع پر پہنچ کر آگ کو مزید پھیلنے سے روک دیا۔
آتشزدگی کے سبب کوئی جانی نقصان نہیں ہوا تاہم آگ کے سبب لاکھوں روپے مالیت کا سامان راکھ کے ڈھیر میں تبدیل Residential House Gutted in Dodaہو گیا۔
دریں اثناء، فائر ٹینڈرز کا کہنا ہے کہ حادثات کی اطلاع موصول ہوتے ہی فائر اینڈ ایمرجنسی عملہ فورا روانہ ہوتے ہیں، تاہم سڑکوں کے کنارے گاڑیاں پارک کرنے اور ٹریفک جام کے سبب وہ بعض اوقات وقت پر حادثے کی جگہ نہیں پہنچ پاتے۔
انہوں نے عوام سے ٹریفک قوانین کی پاسداری عمل میں لانے اور فائر ٹینڈرز کی گاڑی کے لیے راہ ہموار رکھنے کی بھی اپیل کی ہے۔
