تفصیلات کے مطابق یہ حادثہ ڈوڈہ گندنہ بھبور سڑک پر پیش آیا جس کے نتیجہ میں تین افراد شدید طور زخمی ہوئے تھے۔ ڈمپر گاڑی زیر نمبر ( JK06-9188 ) ڈوڈہ سے دھڑہ کی طرف جا رہی تھی۔ جوں ہی بھبور کے مقام پر پہنچی تو ڈرائیور کے قابو سے باہر ہو کر گہری کھائی میں جا گری۔
یہ بھی پڑھیں: بانڈی پورہ: مسافر بردار گاڑی حادثہ کا شکار، متعدد زخمی
حادثہ کی خبر ملتے ہی مقامی لوگوں کے علاوہ پولیس نے بچاؤ کاروائی شروع کر دی اور زخمیوں کو فوری طور پر علاج معالجہ کے لئے میڈیکل کالج ڈوڈہ منتقل کیا۔ حادثہ میں زخمیوں کی شناخت سجاد احمد ولد نظیر احمد سکنہ دھوڑہ،اشفاق احمد ولد محمد لسہ سکنہ بنشالہ، مبشر حسین ولد منگہ بنشالہ کے طور پر ہوئی ہے۔
آخری اطلاع ملنے تک تین زخمیوں میں سے ایک جس کے سر پر گہری چوٹ آئی تھی، کو ڈوڈہ سے میڈیکل کالج جموں منتقل کیا گیا زخموں کی تاب نہ لاکر چل بسا۔