این سی ضلع ڈوڈہ کی تمام اکائی تحلیل

تین روز قبل ڈی ڈی سی انتخابات کے نتائج کا اعلان ہونے کے بعد نیشنل کانفرنس نے ضلع ڈوڈہ کی اپنی تمام اکائی کو تحلیل کرنے کا فیصلہ کیا ہے۔

جموں و کشمیر کے ضلع ترقیاتی کونسل انتخابات کے بعد نیشنل کانفرنس نے ضلع ڈوڈہ کی تمام اکائی کو تحلیل کر دیا ہے۔

نیشنل کانفرنس کے ضلعی صدر خالد نجیب سہروردی کی جانب سے ضلع ڈوڈہ کے صدر دفتر سے جاری ایک حکم نامہ سے یہ اعلان کیا ہے کہ جموں و کشمیر نیشنل کانفرنس نے ضلع ڈوڈہ کی ضلع کمیٹی، بلاک کمیٹی کے علاوہ یوتھ ونگ ایس سی اور او بی سی ونگ، زنانہ ونگ و دیگر ذیلی تنظیموں کو فی الفور تحلیل کر دی گئی ہے۔

نیشنل کانفرنس کے ضلعی صدرحکم نامہ

نیشنل کانفرنس نے ضلع ڈوڈہ میں ایسے وقت میں پارٹی عہدیدران میں رد و بدل کرنے کا فیصلہ کیا ہے، جب دو روز قبل ہی ڈوڈہ میں ڈی ڈی سی انتخابات کے نتائج سامنے آئے ہیں جہاں ان کی کارکردگی کافی مایوس کن رہی ہے۔