ڈوڈہ میں ہتھیار سمیت عسکریت پسند گرفتار

جموں و کشمیر کے ضلع ڈوڈہ میں جمعہ کے روز سلامتی دستوں نے حصار بندی اور تلاشی مہم کے دوران ایک عسکریت پسند کو بڑی مقدار میں گولہ بارود اور ہتھیار کے ساتھ گرفتار کر لیا۔

جموں زون پولیس کے انسپیکٹر جنرل مکیش سنگھ نے یہاں اس مہم کے بارے میں تفصیلی اطلاع دیتے ہوئے بتایا کہ عسکریت پسند کے چھپے ہونے کی خفیہ اطلاع کی بنیاد پر فوج، جموں و کشمیر کے خصوصی ٹیم، ایس ایس بی اور سی آر پی ایف نے ضلع ڈوڈا کے بکھیریان گاؤں میں حصار بندی اور تلاشی مہم شروع کی۔

سلامتی دستوں نے مہم کے دوران گاؤں میں غلام احمد نامی ایک شخص کے گھر کی تلاشی لی اور اس کے بیٹے فردوس احمد کو گرفتار کر لیا۔ اس کے گھر سے تین چینی پستول، پانچ میگزین، 15 راؤنڈ گولیاں اور ایک سائیلنسر برآمد کیا گیا۔ فردوس کو حراست میں لے کر پوچھ گچھ کی جا رہی ہے۔