اس سلسلے میں ڈی -ای -جی،ایس -ایس -بی جموں منوندرا نیگی کی سربراہی میں ایک طبی کیمپ منعقد کیا گیا تھا۔
اس موقع پر ضلع ترقیاتی کمشنر ڈوڈہ کے علاوہ کمانڈنٹ اجے کمار، آپریشن ایس پی رویندر پال سنگھ، سی-آر-پی-ایف کے افسران بھی موجود تھے۔
جموں و کشمیر: فوج کی طرف سے مفت طبی کیمپ اس دوران ضلع اسپتال ڈوڈہ کے سپرنٹنڈنٹ پرویز احمد اور ٹروما اسپتال میں تعینات ڈاکٹر فہیم وانی نے ڈھائی سو سے زائد لوگوں کا طبی معائنہ کیا اور ایس-ایس-بی کی طرف سے اُن میں مفت دوائیاں تقسیم کی گئیں۔
اس موقع پر ڈی-آئی -جی نے بتایا کہ 'فورسز عوام کے درمیان رہ کر اُن کی خدمت کرنا چاہتی ہے'۔
ڈوڈہ علاقہ دور ہونے کی وجہ سے یہاں طبی سہولیات کا فقدان ہے اس لیے دیہی علاقوں میں عوام کو گھر کی دہلیز پر طبی سہولیات فراہم کرنے کے لئےاس طرز کا کیمپ منعقد کیا گیا اور آئندہ بھی لوگوں کو مفت ادویات فراہم کرنے کے لیے طبی کیمپ منعقد کئے جائیں گے۔
لوگوں نے ایس-ایس-بی کا شکریہ ادا کرتے ہوئے کہا کہ' پہلی مرتبہ گاؤں میں معیاری ادویات فراہم کی گئی ہیں اور ساتھ ہی بڑے پیمانے پر مستحق لوگوں کا علاج کیا گیا ہے'۔
