جموں و کشمیر کے ضلع ڈوڈہ میں محکمہ جنگلات، جنگلات کے تحفظ اور ماحولیاتی آلودگی کو کم سے کم کرنے کے ساتھ ساتھ ماحولیاتی نظام کو بھی بچانے کے لیے ہر ممکن کوشش کر رہا ہے، اسی کے پیش نظر محکمہ جنگلات نے چناب سرکل ضلع ڈوڈہ کے مختلف علاقوں میں وسیع پیمانے پر شجرکاری مہم چلا رہا ہے۔
ضلع ڈوڈہ کے کھلینی میں محکمہ جنگلات نے محکمہ صحت، تعلیم اور دیگر سرکاری اداروں کے اشتراک سے شجرکاری مہم کا آغاز کیا، اس دوران ڈوڈہ کے فاریسٹ ڈویژنل آفیسر کی قیادت میں مختلف اقسام کے سینکڑوں پودے لگائے گئے۔
اس موقع پر مختلف محکمہ جات کے آفسران اور طلبا کے ساتھ ساتھ مقامی افراد نے بھی شجرکاری مہم میں شرکت کی، شجرکاری مہم کے دوران جنگلات کے حکام نے بتایا کہ محکمہ جنگلات ڈوڈہ ڈویژن کے مختلف علاقوں میں پودے لگائے جارہے ہیں تاکہ ماحولیات کو مزید خراب ہونے سے بچایا جاسکے، انہوں نے تمام لوگوں سے شجرکاری مہم میں محکمہ جنگلات کو تعاون دینے کی اپیل بھی کی ہے۔
