جموں و کشمیر کے ضلع ڈوڈوہ کے گاؤں کاستی گڑھ کے بلاک ڈیویلپمنٹ کونسل چئیرمین( بی ڈی سی) عبدالغنی بٹ نے موسم سرما کے وقت کاستی گڑھ عوام کو درپیش مشکلات کے حوالے سے انتظامیہ سے عوام کی پریشانی کو دور کرنے کی اپیل کی۔ Kastigarh BDC Chairman Abdul Ghani Demand
ڈوڈہ میں بلاک ڈیویلپمنٹ کونسل چئیرمین کاستی گڑھ عبدالغنی بٹ نے میڈیا سے بات کرتے ہوئے انتظامیہ سے اپیل کی کہ ڈوڈہ کے کاستی گڑھ میں موسم سرما کے لئے وافر مقدار میں راشن ذخیرہ کیا جائے۔ پہلے موسم سرما کا راشن برفباری سے قبل ہی ذخیرہ کیا جاتا تھا اور برف کے دوران جب رابطہ سڑکیں بند ہو جاتی تھیں اُس وقت لوگوں کو راشن کی قلّت کا سامنا نہیں کرنا پڑتا تھا۔ لیکن اس سال انتظامیہ و متعلقہ محکمہ کی لاپرواہی کی وجہ سے کاستی گڑھ کے بیشتر دیہات میں راشن کی قلّت پائی گئی۔ Abdul Gani Demands to Store Winter Ration in Kastigarh
بی ڈی سی چئیرمین نے مزید بتایا کہ ضلع ڈوڈہ میں برفباری کے دوران بجلی کا نظام بُری طرح متاثر ہوا ہے اور برفباری رکنے کے چار روز بعد بھی بجلی مکمل بحال نہیں ہوئی ہے۔ ایسے میں تیل خاکی کی عدم دستیابی کی وجہ سے لوگوں کی مشکلات میں دوگناہ اضافہ ہوا ہے۔ ضلع میں تیل خاکی کی سپلائی نا معلوم وجوہات کی بنا پر مکمل طور پر بند کر دی گئی ہے ۔ Abdul Gani Demands to Supply Kerosene oil in Doda Katigarh