جموں و کشمیر: غیر قانونی پستول کے ساتھ ایک گرفتار

جموں و کشمیر کے ضلع ڈوڈہ میں گندو پولیس نے ایک شخص کے قبضے سے پستول برآمد کیا جب وہ کسی وجہ سے ایک ڈرائیور کے ساتھ اُلجھ رہا تھا۔

تفصیلات کے مطابق کاہر بازار میں ایک سومو ڈرائیور اور مقامی باشندہ شاکر احمد کے درمیان معمولی جھگڑا شروع ہوا جس دوران طرفین کے درمیان گالی گلوچ نے سنگین صورت اختیار کر لی۔

اس دوران شاکر احمد نامی شخص نے طیش میں آکر ڈرائیور کو مارنے کی کوشش کی اور اپنے پاس رکھی ہوئی غیر قانونی پستول نکال کر ڈرائیور کے پر فائر کرنے کی کوشش کی لیکن مقامی لوگوں کی مداخلت سے وہ فائر نا کر سکا۔

اس دوران پولیس نے موقع پر پہنچ کر شاکر احمد کے قبضہ سے جرمنی سے تیار شُدہ پستول برآمد کرکے مزید کاروائی شروع کر دی ہے۔