جموں کشمیر کا خطہ چناب ڈوڈہ ضلع کے مشہور سرسبز سیاحتی مقام لال ڈرامبن میں فوج کی جانب سے دو سال کے وقفے کے بعد گجر بکروال میلہ،گھوڑا سواری انسانوں ،حیوانوں کے لئے طبی کیمپ کا انعقاد کیا۔
لال ڈرامبن میں گجر بکروال میلہ کا انعقاد
ضلع ڈوڈہ کی تحصیل بھاگواہ کے مقام لال ڈرامبن اور اس کے گرد و نواح علاقوں میں موسم گرما شروع ہوتے ہی ہر سال ریاست کے مختلف اضلاع جیسےادھمپور انت ناگ، راجوری ،کٹھوعہ سے خانہ بدوش اپنے مال مویشی لے کر اِن سرسبز و شاداب چرا گاہوں کی جانب بڑھتے ہیں۔
فوج ان کی مشکلات کو دور کرنے اور خانہ بدوش آبادی کو ترقی دینےکیلئے خطہ چناب کے ضلع ڈوڈہ میں سال 2012 سے تقریبات کا اہتمام کر رہی ہے ۔
اب یہ پروگرام مقامی سطح پر کافی مقبول ہے۔
لوگ فوج کے اس پروگرام کا ہر سال بے صبری سے انتظار کرتے ہیں۔