ڈوڈہ: سڑک حادثے میں پانچ افراد زخمی

جموں و کشمیر کے ضلع ڈوڈہ میں ایک سڑک حادثہ پیش آیا۔ جہاں پانچ افراد کے زخمی ہونے کے اطلاع ہے۔ شدید طور پر زخمی تین افراد کو میڈیکل کالج جموں منتقل کیا گیا ہے۔

خطہ چناب کے ضلع ڈوڈہ کے ایک سڑک حادثے میں پانچ افراد زخمی ہوئے ہیں۔ تفصیلات کے مطابق سڑک کا یہ حادثہ ڈوڈہ سزان سڑک پر سیکوان کے مقام پر پیش آیا، جب ایک ماروتی گاڑی زیر نمبر JK02X-1455 ڈوڈہ سے بجارنی سزان کی طرف جا رہی تھی۔

اور سیکوان کے مقام پر ڈرائیور کے قابو سے باہر ہو کر حادثہ کا شکار ہو گئی جس کے نتیجہ میں پانچ افراد زخمی ہوئے۔

حادثہ کی خبر پھیلتے ہی مقامی لوگوں کے علاوہ پولیس، ابابیل کے رضاکاروں نے جائے حادثہ پر پہنچ کر بچاؤ شروع کیا اور زخمیوں کو علاج معالجہ کے لئے میڈیکل کالج ڈوڈہ منتقل کیا گیا۔

جہاں شدید طور زخمی تین افراد کو بہتر طبی علاج کے لئے ڈاکٹروں نے میڈیکل کالج جموں منتقل کیا ہے۔