پہاڑی ضلع ڈوڈہ کے سب ڈویژن گندوہ کے کالگونی نالہ میں ایک آٹھ سالہ بچہ اس وقت ڈوب گیا جب وہ نالے میں نہا رہا تھا۔
پولیس ذرائع کے مطابق محمد ابراہیم ولد محمد اشرف ساکنہ چلی پنگل اپنے دوستوں کے ہمراہ پرائمری ہیلتھ سینٹر چنگا کے نزدیک کالگونی نالہ میں نہا رہا تھا جس دوران وہ ڈوب گیا۔
حادثے کے فورا بعد مقامی لوگوں اور پولیس کی ایک ٹیم موقعے پر پہنچی اور بچاؤ کارروائی شروع کی گئی۔ بچاؤ کارروائی کے دوران کمسن بچے کو نالے سے برآمد کر کے پی ایچ سی منتقل کیا گیا جہاں ڈاکٹروں نے اسے مردہ قرار دے دیا۔
طبی و قانونی لوازمات کے بعد بچے کو آخری رسومات کے لئے وارثین کے سپرد کیا گیا۔
