ضلع ترقیاتی کمشنر ڈوڈہ کی ہدایت پر ایس ڈی ایم ٹھاٹھری نے تحصیل کاہراہ کے دور افتادہ علاقوں بشمول گونی، ٹانٹنا کا دورہ کیا۔
دورے کے دوران ایس ڈی ایم ٹھاٹھری نے مقامی لوگوں سے ملاقات کی اور ان علاقوں میں برفباری سے پیدا شدہ صورتحال کا جائزہ لیا۔
ایس ڈی ایم ٹھاٹھری نے بتایا کہ دور افتادہ علاقوں میں جہاں ابھی بھی بجلی کی سہولیات میسر نہیں ہیں، ان علاقوں کو جلد از جلد بجلی فراہم کی جائے گی۔ انہوں نے کہا کہ اس ضمن میں کام سرعت کے ساتھ جاری ہے اور جنوری میں ہی ان علاقوں کو بجلی کی فراہمی یقینی بنائی جائے گی۔
انہوں نے مزید بتایا کہ متعلقہ علاقہ جات کے رہائشیوں کو بجلی کی فراہمی یقینی بنانے کے لئے جے پی ڈی سی ایل اور شالکا عہدیداروں کے ساتھ مل کر ضلع انتظامیہ نے پہلے ہی منصوبے کو حتمی شکل دے دی ہے۔