ڈوڈہ : بجلی کی ترسیلی لائن سے لوگوں کی جان خطرے میں

بارشوں اور برفباری کے دوران علاقے کے عوام گھروں سے باہر نہیں نکل پاتے اور ایسے موسم میں اکثر علاقے میں کرنٹ پھیل جاتی ہے۔

جموں و کشمیر کے پہاڑی ضلع ڈوڈہ کے اپر ٹھاٹھری کے عوام نے درابشالہ اور کاہراہ کی طرف جانے والی بجلی کی ترسیلی لائنوں کا گھروں کے قریب سے گزرنے پر تشویش کا اظہار کیا ہے۔

لوگوں کا کہنا ہے 'گھروں کے قریب سے گزرنے والی گیارہ کے وی کی ترسیلی لائین عوام کے سروں پر لکٹتی تلوار کے ماند ہے اور پورا علاقہ ڈر اور خوف میں زندگی بسر کر رہا ہے'۔

لوگوں نے کہا 'اس مسئلے کو آج تک کئی بار اعلیٰ حکام تک پہنچایا گیا لیکن تاحال اِن ترسیلی لائنوں کو ہٹانے کے لئے کوئی قدم نہیں اُٹھایا گیا'۔

ایک مقامی شخص نے کہا 'علاقہ میں آج تک اِن بجلی لائنوں کی وجہ سے کئی حادثات ہو چکے ہیں لیکن محکمہ کے کان میں جوں تک نہیں رینگتی ہے'۔

بارشوں اور برفباری کے دوران علاقے کے عوام گھر سے باہر نہیں نکل پاتے اور ایسے موسم میں اکثر علاقے میں کرنٹ پھیل جاتی ہے۔