محکمہ دیہی ترقیات پر بے ضابطگیوں کا الزام

پنچایتی نمائندوں کا الزام ہے کہ محکمہ دیہی ترقیات میں بے ضابطگیاں، خرد برد اور کنبہ پروری کھلے عام ہو رہی ہے جبکہ افسران نے مجرمانہ خاموشی اختیار کی ہے۔

جموں و کشمیر کے خطہ چناب کے ضلع ڈوڈہ میں محکمہ دیہات ترقیات میں مسلسل خرد برد کی خبریں سامنے آ رہی ہیں اور ضلع کے اطراف و اکناف سے غریب جاب کارڈ ہولڈرز اجرت نہ ملنے کی وجہ سے بلاک کے خلاف احتجاج کر رہے ہیں۔

بدھ کے روز بلاک کاہراہ کی ایک پنچایت کے لوگوں نے محکمہ دیہی ترقیات پر منریگا میں بھاری بے ضابطگیوں اور خرد برد کے الزامات عائد کئے ہیں۔

پنچایتی نمائندوں کا الزام ہے کہ محکمہ میں بے ضابطگیاں، خرد برد اور کنبہ پروری کھلے عام ہو رہی ہے جبکہ افسران نے مجرمانہ خاموشی اختیار کی ہے۔

مقامی لوگوں نے غریب عوام کی مشکلات کو حل کرنے کے لئے انتظامیہ سے اعلیٰ سطحی تحقیقات کا مطالبہ کیا ہے۔