ڈوڈہ: بھلیسہ میں ڈی ایس پی کے اعزاز میں الوداعی تقریب

پہاڑی ضلع ڈوڈہ کے بھلیسہ میں مقامی باشندوں نے ڈی ایس پی کے تبادلے کے موقع پر ان کے لیے اعزاز و الوداعی تقریب کا اہتمام کیا۔

گووڑی، بھلیسہ میں دو برس تک خدمات انجام دینے والے ڈی ایس پی محمد نواز کھاندے کے تبادلے پر مقامی باشندوں نے ان کے لیے اعزازی و الودادی تقریب کا اہتمام کیا۔

اس موقع پر مقامی باشندوں نے ڈی ایس پی کی خدمات کو سراہتے ہوئے کہا کہ موصوف علاقے میں امن و امان برقرار رکھنے اور عوامی خدمت کے لیے ہر وقت کوشاں رہتے تھے۔

اعزازی تقریب منعقد کرنے پر محمد نواز نے بھلیسہ کی عوام کا شکریہ ادا کیا۔

الوداعی تقریب میں پنچوں اور سرپنچوں کے علاوہ مقامی باشندوں نے بھی شرکت کی۔