جموں و کشمیر کے پہاڑی ضلع ڈوڈہ میں دیہات کی طرف جانے والی بیشتر رابطہ سڑکیں بدحالی کا شکار ہیں اور ہر روز ہزاروں کی تعداد میں اِن خستہ حال، تنگ سڑکوں پر لوگ جان ہتھیلی پر رکھ کر سفر کرتے ہیں۔ اِنہی علاقوں میں سے ایک علاقہ سب ڈویژن ٹھاٹھری کی تحصیل پھگسو کا بھی ہے۔
ای ٹی وی بھارت نے جب تحصیل صدر مقام پھگسو کا دورہ کیا تو وہاں علاقہ کے نوجوانوں نے انتظامیہ، محکمہ تعمیرات عامہ کے خلاف نعرے بازی شروع کر دی۔
ڈوڈہ: رابطہ سڑک کی خستہ حالت پر احتجاج
احتجاجی مظاہرین نے تمام حکومتوں، انتظامیہ و متعلقہ محکموں پر الزام عائد کرتے ہوئے کہا کہ ’’پھگسو کی عوام کے ساتھ ہمیشہ امتیازی سلوک کیا گیا ہے۔ پھگسو اگر چہ سرکاری ریکارڈ میں تحصیل ہے لیکن صرف تحصیل ملنے سے کیا ہو گا جب دیگر کوئی محکمہ یہاں فعال نہیں ہے۔‘‘