ڈوڈہ : سڑکوں پر بلیک ٹاپنگ سے عوام کو راحت

ڈوڈہ کے جنوب مغربی علاقوں میں سڑکوں پر ہو رہے بلیک ٹاپ کے کام پر عوام میں خوشی کی لہر پائی جاتی ہے۔

صوبہ جموں کے ضلع ڈوڈہ کے جنوب مغربی علاقہ کاستی گڑھ، بھاگواہ میں پردھان منتری گرام سڑک یوجنا کے تحت سڑکوں کی تعمیر کا کام شروع کیا گیا تھا جو اب پایہ تکمیل تک پہنچ رہا ہے۔

سال 2002 میں ضلع کے دیہی علاقوں کو رابطہ سڑکوں سے جوڑنے کے لئے پی ایم جی ایس وائی کے تحت تعمیری کام شروع کئے گئے تھے۔

مذکورہ علاقوں میں پہلے اور دوسرے مرحلے کے تحت سڑکوں کا جال بچھایا گیا اور اب اِن سڑکوں پر تار کول بچھایا جا رہا ہے جس سے شہر اور دیہات کا فاصلہ کم ہو گیا ہے اور لوگ اِن سڑکوں پر آسانی سے سفر کر رہے ہیں۔

حکومت کی طرف سے یہ اسکیم مکمل طور پر اب جا کر کامیاب ہوئی ہے جس کے تحت ہر گاؤں کو سڑک سہولت فراہم کی گئی۔

ڈوڈہ کے جنوب مغربی علاقوں میں سڑکوں پر ہو رہے بلیک ٹاپ کے کام پر عوام میں خوشی کی لہر پائی جاتی ہے۔

ضلع ترقیاتی کمشنر ڈوڈہ نے بتایا کہ پی ایم جی ایس وائی ایک مفید پروجیکٹ ثابت ہوا ہے جس کے تحت ضلع کے اندر سڑکوں پر سو فیصدی بلیک ٹاپنگ کا کام مکمل کیا گیا ہے۔