Congress Rally Doda: مہنگائی، بے روزگاری کے خلاف ڈوڈہ میں کانگریس ریلی

پہاڑی ضلع ڈوڈہ میں کانگریس کارکنان مہنگائی سمیت دیگر معاملات کے خلاف برآمد کی گئی احتجاجی ریلی کے دوران بی جے پی کے خلاف نعرے بازی کی۔

ڈوڈہ (جموں و کشمیر) :ـ صوبہ جموں کے پہاڑی ضلع ڈوڈہ میں کانگریس کارکنان نے بڑھتی مہنگائی، بے روزگاری کے خلاف ریلی برآمد کرکے مرکزی سرکار کے خلاف نعرے بازی کی۔ احتجاج میں شامل کارکنان کے مطابق ’’موجودہ حکومت عوام کی توقعات پر پورا اترنے میں پوری طرح ناکام‘‘ ہو چکی ہے اور اس کے خلاف ملک بھر کے ساتھ ساتھ جموں و کشمیر میں بھی کانگریس کارکنان اپنا احتجاج درج کر رہے ہیں۔

ڈوڈہ قصبہ میں برآمد کی گئی ریلی میں درجنوں کانگریس کارکنان کلاک ٹاور، ڈوڈہ سے ریلی برآمد کی۔ ڈوڈہ کی مختلف سڑکوں سے ہوتے ہوئے ریلی ڈی سی آفس ڈوڈہ کے باہر پہنچی اور وہاں بھی کارکنان نے بی جے پی حکومت کے خلاف نعرے بازی۔ بعد ازاں ریلی واپس کلاک ٹاور پر اختتام ہوئی۔ اس موقع پر کانگریس لیڈارن نے مرکزی حکومت کو سخت تنقید کا نشانہ بناتے ہوئے دعویٰ کیا کہ ’’بی جے پی کی عوام کُش پالیسیوں سے لوگ تنگ آ چکے ہیں اور آئندہ انتخابات میں کانگریس سرکار بنائے گی۔‘‘

میڈیا کے ساتھ گفتگو کرتے ہوئے کانگریس لیڈران شیخ مجیب اور ریاض احمد نے بتایا کہ ’’نریندر مودی کی قیادت میں مرکزی حکومت اپنے وعدے پورے کرنے میں پوری طرح سے ناکام ثابت ہو چکی ہے، مہنگائی اور بے روزگاری عروج پر ہے جبکہ آئے روز عوام کُش احکامات جاری کیے جا رہے ہین۔‘‘ انہوں نے نریندر مودی کے ’’من کی بات‘‘ پروگرام کی سخت تنقید کرتے ہوئے کہا: ’’وزیر اعظم اپنے من کی بات تو کہتے آرہے ہیں تاہم عوام کے من کی بات وہ قطعاً سننے کو تیار نہیں اور نہ ہی انہوں نے لوگوں کی من کی بات سننے کی زحمت گوارا کی۔‘‘